Stórt innherjasvikamál upplýst á Wall Street

Rannsókn á stóru innherjasvikamáli á Wall Street hefur leitt til handtöku fjögurra manna. Einn er greinandi en þrír voru forstjórar vogunarsjóða, þar af tveir frá milljarðasjóðnum SAC Capital.

Fjallað er um málið á Financial Times. Þar segir að fjórmennirnar þessir hafi náð að svíkja út um 30 milljónir dollara eða um 3,4 milljarða kr. með því að nota sér innherjaupplýsingar á ólögmætan hátt.

Málið er eitt af þeim stærri sem fjármálaeftirlit Bandaríkjanna (SEC) hefur haft til rannsóknar um innherjasvik á Wall Street. Fram kemur að það er einkum í vogunarsjóðum sem innri vitneskja er nýtt m.a. um komandi ársfjórðungsuppgjör hjá fyrirtækjum.

Forstjórarnir tveir voru reknir frá SAC Captial í fyrra fyrir að standa sig ekki í stykkinu að því er segir í tilkynningu frá sjóðnum. Jafnframt lýsir sjóðurinn yfir hneykslun sinni á framferði þeirra. Þeir hafa báðir lýst yfir sekt sinni.

Samhliða því að lýsa sig seka hafa þeir tveir unnið með FBI að rannsókn lögreglunnar á málinu. Þar hafa þeir meðal annars lagt fram upptöku af símtali við Samir Barai stofnanda vogunarsjóðsins Barai Capital sem er einn þeirra fjögurra. Í upptökunni má heyra þá ræða saman um eyðingu á gögnum af UBS-lyklum en í gögnunum voru innherjaupplýsingar frá ýmsum fyrirtækjum.