Viðskipti erlent

Metsala á Ferrari bílum í fyrra

Ítölsku sportbílaverksmiðjurnar Ferrari áttu gott ár í fyrra og seldist metfjöldi af Ferrari bílum það ár. Alls voru 6.573 Ferrari seldir á heimsvísu sem er um 8% aukning frá árinu áður.

Í frétt um málið á e24.no segir að það hafi einkum orðið góð aukning í sölu Ferrari í Asíu löndum. Í Kína jókst salan um 43,6% en taka ber fram að aðeins 300 bílar eru á bakvið þá aukningu.

Mikilvægustu markaðir Ferrari eru Bandaríkin og Kanada en í þeim var um fjórðungur allra nýrra Ferrari bíla seldur í fyrra.

Þá heldur Ferrari markaðshlutdeild sinni í Evrópu.





Mest lesið


Fleiri fréttir

Sjá meira


×

Mest lesið