Norðmenn kaupa Regent Street

Norski olíusjóðurinn hefur keypt 25 prósent af verslunargötunni Regent Street í Lundúnum. Kaupverðið er um 85 milljarðar íslenskra króna. Nánar tiltekið keypti sjóðurinn 25 prósent í eignarhaldsfélaginu The Crown Estates.

Það hefur tekjur sínar einkum af því að leigja húsnæði undir verslanir og skrifstofur. Samningurinn tekur gildi í apríl á þessu ári og gildir í150 ár. Norðmenn eru dálítið montnir af þessu. Í blaðinu Aftenposten er stór mynd af Regent Street undir fyrirsögninni: Nú eigum við þetta.