Viðskipti erlent

Bakkavör dregur úr uppsögnum í Bretlandi

Bakkavör hefur náð samkomulagi við verkalýðsfélagið The Unite union í Lincolnshire í Bretlandi. Samkomulagið felur í sér að Bakkavör dregur verulega úr áformum sínum um uppsagnir í verkmiðju sinni í héraðinu.

Í frétt um málið á BBC segir að í stað þess að segja upp 170 starfsmönnum muni Bakkavör aðeins segja upp 35 þeirra. Þar að auki muni yfir 140 starfsmenn láta af störfum af eigin hvötum með starfslokasamningi.

Talsmaður verkalýðsfélagsins er ánægður með niðurstöðu málsins, einkum að 140 starfsmenn fái nú starfslokasamning í stað þess að vera sagt upp einhliða.

Bakkavör segir að fyrirtækið hafi gefið verulega eftir í samningaviðræðunum. Upphaflega hafi staðið til að segja upp 350 manns en því hafi síðan verið breytt í 170 starfsmenn.




Tengdar fréttir

Reiði í garð Bakkavarar í Bretlandi vegna uppsagna

Mikil reiði ríkir í garð Bakkavarar í Bretlandi hjá verkalýðsfélagi í Lincolnshire eftir að Bakkavör ákvað að slíta viðræðum um hópuppsagnir í verksmiðju sinni í Spalding. Bakkavör er búin að segja 170 starfsmönnum upp í verksmiðjunni.

Efnt til mótmæla við höfuðstöðvar Bakkavarar

Efnt verður til mótmælaaðgerða, kröfugöngu og útifundar föstudaginn 17. desember í Spalding þar sem höfðuðstöðvar Bakkavarar eru til húsa. Það er breska verkalýðssambandið Unite the Union, systursamtök Starfsgreinasambands Íslands, sem stendur fyrir mótmælunum.



Mest lesið


Fleiri fréttir

Sjá meira


×

Mest lesið