Skúli gefur út Búgí!

Platan Búgí! með Skúla mennska og hljómsveitinni Grjót er komin út. Hún hefur að geyma tólf tilvistarspekileg lög um samskipti kynjanna. Lög og textar eru eftir forsprakkann Skúla Þórðarson, sem gaf út sína fyrstu plötu í fyrra.

Auk Skúla og Grjóts kemur fram á plötunni Þórunn Arna Kristjánsdóttir, leik- og söngkona, auk þess sem þær Lilja Björk Runólfsdóttir og Rósa Guðrún Sveinsdóttir sjá um bakraddir, Leifur Jónsson á básúnu, Eiríkur Rafn Stefánsson á trompet og Ragnar Árni Ágústsson á saxófón.