Fyrsta platan frá Two Step Horror

Dúóið Two Step Horror, sem er skipað Þórði Grímssyni og Önnu Margréti Björnsson, hefur gefið út sína fyrstu plötu, Living Room Music. Parið samdi plötuna veturinn 2008 til 2009 í stofunni heima hjá sér. Hún kom út í Bretlandi í maí hjá óháðu bresku útgáfunni Outlier Records. Platan er núna fáanleg í 12 Tónum, Smekkleysu og Lucky Records.

Two Step Horror er í hópnum Vebeth sem samanstendur af tónlistar- og myndlistarmönnum. Meðal annarra meðlima eru hljómsveitirnar Singapore Sling, Third Sound, The Dead Skeletons, The Gogo Darkness, Hank og Tank og The Meek frá Bandaríkjunum.

Hér fyrir ofan má hlusta á lagið Song For You af nýju plötunni.