Óljóst hvort Kubica nær fullri heilsu

Meiðsli Robert Kubica, Formúlu 1 ökumanns, sem hann hlaut í rallkeppni á Ítalíu í dag, eru þess eðlis að óljóst er hvort hann nær fullri heilsu. Meiðsli Robert Kubica, Formúlu 1 ökumanns, sem hann hlaut í rallkeppni á Ítalíu í dag, eru þess eðlis að óljóst er hvort hann nær fullri heilsu. Læknir sem annaðist hann segir að vika gæti liðið áður en vitað er hvort tekist hefur að bjarga hægri hönd hans.

Þessa yfirlýsingu setur fréttamaðurinn Adam Cooper fram á vefsíðu sinni og hefur eftir Igor Rossello, lækninum sem er sérfræðingur í handar skurðlækningum og var meðal lækna í sjö tíma aðgerð á Kubica í dag. Kubica meiddist illa á hægri hönd, þegar vegrið sem hann keyrði á skarst inn í bíl hans og Jakub Gerber, en þeir kepptu saman í rallkeppninni.

Kubica var í aðgerð í allan dag og var sérstakur handa skurðlæknir, Igor Rosello kallaður til að sinna honum, til að reyna bjarga virkni hægri handar hans vegna meiðslanna sem hann hlaut. Hann fótbrotnaði einnig á hægri fæti.

Tvo tíma tók að koma Kubica út úr bílnum, þar sem bíða þurfti eftir sérþjáfuðum slökkviðsmönnum til að fjarlægja hann úr bílnum. Gerber sagði að Kubica hafa liðið útaf, en vaknað annað slagið án þess að vita hvað hefði gerst í óhappinu.

Umboðsmaður hans, Daniel Morelli segir að það eigi eftir að koma í ljós hvernig aðgerðin í dag heppnast en hann segir Kubica sterkan karakter og hann muni ná sér.

Fernando Alonso sem ekur fyrir Ferrari líðið ítalska fór á spítalann, til skoða gang mála hjá Kubica sem byrjaði feril sinn fyrir alvöru á Ítalíu.

Ljóst er af fréttum að hann keppir ekki Í fyrsta Formúlu 1 móti ársins í mars og Bruno Senna frá Brasilíu þykir líklegur til að taka sæti hans.