Emil og félagar úr leik í ítalska bikarnum

Hellas Verona mátti sætta sig við dramatískt 3-2 tap fyrir úrvalsdeildarfélaginu Lazio í 16-liða úrslitum ítölsku bikarkeppninnar í kvöld. Er liðið því úr leik.

Emil Hallfreðsson lék sem fyrr allan leikinn í liði Hellas Verona og átti góðan leik. Lazio komst í 2-0 en gestirnir frá Verona náði að jafna metin í seinni hálfleik. Sigurmarkið kom svo í blálok leiksins - það gerði Hernanes með skoti beint úr aukaspyrni í stöngina og inn.

Svekkjandi niðurstaða fyrir Emil og félaga sem hafa verið á miklu skriði í ítölsku B-deildinni í vetur. Liðið er í öðru sæti deildarinnar þrátt fyrir að hafa leikið í C-deildinni á síðasta tímabili.