Hellas Verona aftur á sigurbraut

Emil Hallfreðsson spilaði allan leikinn í 2-0 sigri Hellas Verona á Juve Stabia í ítölsku B-deildinni í dag.

Liðið tapaði í síðustu umferð fyrir Pescara sem er í þriðja sæti deildarinnar en Verona er nú í því fjórða með 44 stig.

Aðeins tvö stig skilja þó að efstu fjögur liðin. Sassuolo er með 46 stig í efsta sæti, Torino er einnig með 46 stig í öðru sæti og Pescara í því þriðja með 45 stig.

Verona mætir um næstu helgi toppliði Sassuolo á útivelli í gríðarlega mikilvægum leik.