Walter Zenga búinn að fá Luca Toni til Dúbæ

Luca Toni, fyrrum framherji ítalska landsliðsins, er hættur hjá Juventus og búinn að semja við Al Nasr frá Dúbæ. Toni lék áður með Genoa, Roma, Bayern München, Fiorentina en gekk til liðs við Juve í byrjun síðasta árs.

Luca Toni er orðinn 34 ára gamall og hann hefur fengið engin tækifæri með Juventus á þessu tímabili þar sem að þjálfarinn Antonio Conte hefur frekað notað Mirko Vucinic í framlínu liðsins.

Luca Toni skoraði 2 mörk í 14 leikjum með Juve í fyrra en hefur ekki fengið að spila eina einustu mínútu með liðinu á þessu tímabili. Besta tímabilið hans var þegar hann skoraði 31 mark í 38 deildarleikjum með Fiorentina tímabilið 2005-06.

Luca Toni hittir fyrir landa sinn hjá Al Nasr því Walter Zenga, fyrrum markvörður ítalska landsliðsins, er þjálfari liðsins.