Ferrari ósátt með nýja bílinn á æfingum

Tæknistjóri Ferrari liðsins, Pat Fry, sagðist ekki vera ánægður með stöðu Ferrari liðsins það sem af er. "Ég er ekki ánægður með hvar við stöndum í augnablikinu," sagði hann. "Það eru margir fletir sem þarf að endurskoða. Bíllinn virkar ágætlega sumstaðar en það á ekki við um allar aðstæður."

Ferrari liðið ákvað, eftir lélegt tímabil í fyrra, að gerast djarfara í hönnun sinni á nýja bílnum. "Það er að koma niður á því hvernig við setjum bílinn upp. Það er erfiðara að skilja hvernig við finnum hina fullkomnum uppsetningu með svo djarfa hönnun."

Fernando Alonso ók Ferrari bílnum á æfingum í dag og endaði neðarlega í röðinni.

Heimsmeistarinn Sebastian Vettel segir of snemt að áætla hvar Red Bull liðið standi í heimsmeistarakeppninni í ár. Vettel ók nýjum Red Bull bíl á æfingunum á Jerez og varð þriðji. Þetta var fyrsti snúningur Vettels í RB8, 2012 árgerð Red Bull.

"Við verðum að einbeita okkur að okkar bíl. Það er varla tími til að sjá hvað hinir eru að gera," sagði Vettel við blaðamenn síðdegis. "Við bíðum núna eftir bíl frá Mercedes liðinu og þá getum við kortlagt þetta betur. Það er þó ljóst að keppnin verður hörð í ár, jafnvel harðari en í fyrra."

Mercedes liðið er eina toppliðið sem á eftir að frumsýna nýtt afkvæmi. Liðið tók ákvörðun um að fresta frumsýningunni um þrjár vikur og koma með fullmótaðann bíl í lok febrúar.