Rekstur Toyota gekk vonum framar

Rekstur japanska bílaframleiðandans Toyota gekk vonum fram á síðasta fjórðungi síðasta árs þrátt fyrir að hagnaður félagsins hafi dregist saman um 13,5 prósent miðað við sama tímabil árið á undan. Hagnaður Toyota var ríflega einn milljarður dala eða sem nemur 122 milljörðum króna. Búist hafði verið við því að hagnaðurinn myndi dragast meira saman en sú varð ekki raunin.

Samkvæmt frétt breska ríkisútvarpsins BBC gera forsvarsmenn Toyota ráð fyrir því að yfir 7,4 milljónir bifreiða frá fyrirtækinu hafi selst í fyrra og að hagnaður fyrir árið í heild nemi meira en 2,2 milljörðum dala eða sem nemur 240 milljörðum króna. Þetta er bæting frá árinu á undan um liðlega eitt prósent.