Zlatan gæti hugsað sér að vinna aftur með Guardiola

Svíinn Zlatan Ibrahimovic hefur sjaldan talað vel um Pep Guardiola, þjálfara Barcelona, en hann útilokar samt ekki að vinna með honum síðar á ferlinum.

Zlatan vill þó fá svör frá Guardiola um það af hverju hann hafi fengið fá svör hjá þjálfaranum og var síðan að lokum hent út í horn.

"Eins og staðan er núna þá myndi ég ekki vilja vinna með Guardiola. Það er af því ég hef aldrei fengið nein svör frá honum um það hvað gerðist á milli okkar. Mínar skoðanir á honum eru ekki persónulegar og þurfa ekki að þýða að mér þyki hann vera lélegur þjálfari," sagði Zlatan en hann segist hafa kosið Guardiola sem besta þjálfara heims.

"Persónan og þjálfarinn er ekki það sama. Sem þjálfari er hann frábær. Annars myndi hann ekki vinna alla þessa titla með Barcelona. Ég er ekki ánægður með hann sem persónu en maður á aldrei að útiloka neitt og ég geri það ekki. Spurningin er aftur á móti sú hvort hann gæti hugsað sér að vinna með mér síðar?