Messi og félagar sýndu styrk sinn í Leverkusen - myndir

Tvö mörk frá Sílemanninum Alexis Sanchez og mark frá snillingnum Lionel Messi í blálokin tryggðu Barcelona 3-1 útisigur á Bayer Leverkusen í fyrri leik liðanna í 16 liða úrslitum Meistaradeildarinnar í kvöld. Börsungar eru svo gott sem komnir áfram í átta liða úrslitin eftir þennan flotta sigur.

Lionel Messi lagði upp fyrra markið fyrir Sanchez og var nokkrum sinnum nálægt því að labba í gegnum vörn Þjóðverjanna áður en hann skoraði lokamarkið af harðfylgni. Hann sýndi enn á ný snilli sína og hefur nú skorað 19 mörk útsláttarkeppni Meistaradeildarinnar eða meira en nokkur annars.

Ljósmyndarar AFP-fréttastofunnar voru að sjálfsögðu mættir til Leverkusen og náðu fullt af skemmtilegum myndum frá leiknum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.