Talið að Microsoft sé að þróa Office fyrir iPad

Talið er að Microsft sé nú að leggja lokahönd á þróun sérstakrar iPad útgáfu af Office-pakkanum. Líklegt þykir að Microsoft muni kynna nýjungina þegar iPad 3 verður opinberaður í mars.

Talsmenn Microsoft hafa ekki tjáð sig um málið og vilja hvorki staðfesta né neita orðróminum.

Tæknifréttablaðið The Daily greindi frá því í vikunni að Office hugbúnaðarpakkinn sé afar svipaður OneNote smáforritinu vinsæla. Útlit þess er sagt svipa til notendaviðmóti Windows 8 stýrkerfisins sem Microsoft vinnur að nú.

Samkvæmt The Daily verður hægt að vinna með Word-, Excel- og PowerPointskjöl á spjaldtölvunni, bæði í gegnum internet sem og í gegnum smáforrit.