Gerpla bikarmeistari í hópfimleikum

Gerpla varð um helgina bikarmeistari í hópfimleikum og öðlaðist þar með þátttökurétt á Evrópumeistaramótinu í haust, þar sem liðið á titil að verja.

Tvö lið tóku þátt í mótinu í meistaraflokki kvenna - lið Gerplu og Selfoss. Gerpla hlaup samtals 50,7 stig en Selfyssingar 45,6. Gerpla hafði betur í öllum æfingum - á gólfi, dýnu og trampólíni.

Gerpla bar einnig sigur úr býtum í 1. flokki kvenna og 1. flokki blönduðum. Stjarnan vann sigur í 2. flokki kvenna.

Ármann var eina félagið með lið skráð til þátttöku í meistaraflokki karla.