Mourinho: Fjölmiðlabannið kom ekki frá mér

Jose Mourinho, þjálfari Real Madrid, er kominn úr vikulöngu fjölmiðlabanni sem náði bæði yfir hann sem og leikmenn félagsins.

Mourinho segir að bannið hafi ekki verið að sínu undirlagi heldur hafi stjórn félagsins ákveðið að allir færu í fjölmiðlabann. Aðgerðin var til þess að mótmæla því sem Real kallar ósanngjarnri meðferð hjá dómurum á Spáni.

"Ég þarf ekki að réttlæta neitt. Ég er ekki ábyrgur fyrir þessari ákvörðun," sagði Mourinho og þverneitaði að ræða málið frekar.

Madrid spilar gegn APOEL í Meistaradeildinni í kvöld en leikurinn hefst klukkan 18.45.

"Við erum klárlega sigurstranglegra liðið. Það er ekki hægt að neita því. Það er ekki hægt að bera félögin saman en ég ber samt virðingu fyrir APOEL. Við vitum vel að þetta verða erfiðir leikir gegn þeim. Liðið á skilið að vera í átta liðum úrslitum."