Zlatan: Barcelona er meira en Messi

Zlatan Ibrahimovic, framherji AC Milan, getur ekki neitað því að hann bíði spenntur eftir því að mæta sínum gömlu mótherjum í Barcelona í átta liða úrslitum Meistaradeildar Evrópu.

"Þetta er búið að vera fullkomið tímabil hjá mér og ég ætla að halda því áfram. Ég geri mér þó grein fyrir því að leikirnir gegn Barcelona verða gríðarlega erfiðir," sagði Zlatan en hann minnir á að Milan þurfi að hafa áhyggjur af fleiru en Messi í liði Barcelona.

"Þeir búa yfir miklu meira en bara Messi. Rétt eins og Milan snýst ekki bara um Ibrahimovic. Barcelona er besta lið heims. Við höfum engu að tapa og pressan er fyrst og fremst á Barca."

Fyrri leikur liðanna fer fram á San Siro á miðvikudagskvöld.