Agent Fresco frumsýnir nýtt myndband

Nýtt tónlistarmyndband við lagið Tempo með hljómsveitinni Agent Fresco var frumsýnt núna klukkan tíu á þýsku síðunni motor.de. Myndbandið er kynning fyrir tónleikaferð hljómsveitarinnar um Evrópu í maí og júní. Myndbandið er unnið í samstarfi við Zetafilm. Hægt er að horfa á það hér fyrir ofan.

Agent Fresco mun halda í kringum 27 tónleika á einum mánuði víðsvegar um Evrópu, aðallega löndum þar sem platan þeirra, A Long Time Listening, er gefin út. Hljómsveitin vinnur að nýrri plötu, og er gert ráð fyrir að hún komi út snemma á næsta ári.