iPhone 5 gerður úr fljótandi málmi - kynntur í október

Talið er að nýjasti snjallsími Apple verði gerður úr nýstárlegri efnablöndu sem kallast „Liquidmetal." Það var tæknifréttamiðill í Suður-Kóreu sem greindi frá þessu í gær.

Miðillinn hefur eftir innanhúsmanni í verksmiðju Apple að efnablandan sé samsett úr sirkon, títaníum, nikkel og kopar. Þessi blanda af frumefnum myndar þennan einstaka mál.

Efnið hefur fengið nafnið „Liquidmetal" eða „málmlögur." Apple tryggði sér einkaleyfi á málminum árið 2010. Síðan þá hefur fyrirtækið þróað aðferðir til vinna með málminn.

Apple hefur nú þegar notað efnablönduna í raftækjum sínum - þar á meðal í iPhone 4S. Áhugasamir iPhone eigendur geta kynnt sér málminn með því draga fram SIM-korta verkfærið sem fylgdi símanum en tólið er alfarið gert úr „málmlegi."

„Málmlögur" er afar léttur málmur og er áferð hans sögð líkjast gleri. Þá er hann einnig léttur og gríðarlega sterkbyggður.

Talið er að Apple sé nú reiðubúið að hefja framleiðslu á raftæki sem er gert úr þessari athyglisverðu efnablöndu.

Það gefur þó auga leið að ytri grind farsíma geti seint verið gerð úr heilsteyptum málmi enda heftir málmur farsímasamband.

Litlar upplýsingar hafa borist frá Apple um nýja snjallsímann. Talið er að fyrirtækið sé enn að vinna að hönnun símans og að hann verði ekki opinberaður fyrr en í október á þessu ári.

Hægt er að lesa nánar um málið á tæknifréttasíðunni TechCrunch.