Eignasafnið hjá ríkustu konu Bandaríkjanna dregst saman

Markaðsvirði eigna ríkustu konu Bandaríkjanna samkvæmt lista Forbes tímaritsins, Christy Walton, hefur nokkuð síðustu daga, eða sem nemur 77,8 milljónum dala, tæplega 9 milljörðum króna. Það sér þó ekki högg á vatni þegar eignasafnið er skoðað, en heildareignir Walton eru metnar á 18,9 milljarða dala, eða sem nemur ríflega 2.300 milljörðum króna. Til samanburðar er árleg landsframleiðsla Íslands um 1.630 milljarðar króna.

Christy Walton er hluti af Walton fjölskyldunni, sem stofnuðu Wal-Mart verslunarkeðjuna, sem er stærsta verslunarkeðja heims og stærsti vinnuveitandi Bandaríkjanna með um tvær milljónir starfsmanna. Langsamlega stærsta eign Christy Walton er eignarhlutur í Wal-Mart.