Smásala hrynur á Spáni

Smásala á Spáni hrundi í aprílmánuði þessa árs miðað við sama mánuð í fyrra, en samkvæmt mælingum spænsku hagstofunnar féll smásala um 9,8 prósent milli ára. Það er mesta fall á smásölu síðan mælingar hagstofunnar hófust, að því er fram kemur í frétt breska ríkisútvarpsins BBC.

Fallið á smásölunni var mun meira en reiknað hafði verið með, en þetta var mánuður númer 22 í röðinni þar sem smásala dregst saman. Í mars dróst salan saman um 3,8 prósent, miðað við sama mánuð árið á undan.

Sjá má umfjöllun BBC um þetta efni hér.