Samantha Stosur frá Ástralíu tryggði sér í dag sæti í undanúrslitum Opna franska meistaramótsins í tennis eftir sigur á Dominiku Cibulkovu frá Slóvakíu í tveimur settum, 6-4 og 6-1.
Cibulkova sem sló efstu konu heimslistans, Victoriu Azarenku, úr leik í síðustu umferð mátti játa sig sigraða gegn Stosur sem var röðuð númer sex í mótið.
Þetta er í þriðja sinn á fjórum árum sem Stosur kemst í undanúrslit mótsins. Árið 2010 fór hún alla leið í úrslit en mátti sætta sig við tap.
Stosur mætir Söru Errani frá Ítalíu í undanúrslitum. Sú ítalska sló Angelique Kerber út í tveimur settum 6-3 og 7-6. Áður hafði fyrrum meistarinn Ana Ivanovic og Svetlana Kuznetsova þurft að sætta sig við tap gegn ítölsku tenniskonunni.
Bein útsending er frá mótinu á Eurosport.
Stosur í undanúrslit eftir sigur á Cibulkovu
Kolbeinn Tumi Daðason skrifar

Mest lesið




„Við erum að reyna að skapa vonir og trú á þetta verkefni“
Íslenski boltinn


„Ég skil ekki hvernig við náum ekki að klára þetta“
Íslenski boltinn



Schumacher skrifaði nafnið sitt á hjálm
Formúla 1

Fleiri fréttir
