GlaxoSmithKline greiðir 376 milljarða í sekt

Bandaríska lyfjarisanum GlaxoSmithKline hefur verið gert að greiða þrjá milljarða dollara eða um 376 milljörðum króna í sekt í Bandaríkjunum í stærsta lyfjamisferlismáli sem upp hefur komið þar í landi.

Lyfjarisinn var fundinn sekur um að hafa notað tvö lyf í annað en þeim var ætlað, látið hjá líða að greina frá hættu af sykursýkislyfi og að hafa mútað læknum til að nota lyf sín.

Læknarnir fengu m.a. dýrar ferðir til Hawaii, milljónir af dollurum til að fara í fyrirlestraferðir og ókeypis miða á tónleika með Madonnu svo dæmi séu tekin.