Þrjú mörk á fimm mínútum tryggðu Valskonum sigur á ÍBV | Myndasyrpa

Valskonur skoruðu þrjú mörk á fimm mínútna kafla í síðari hálfleik og tryggðu sér 3-0 sigur á ÍBV í 10. umferð Pepsi-deildar kvenna í kvöld.

Dagný Brynjarsdóttir skoraði tvö marka Vals og hefði getað bætt því þriðja við úr vítaspyrnu. Bryndís Lára Hrafnkelsdóttir, liðsfélagi Dagnýjar upp yngri flokka, varði hins vegar spyrnu Dagnýjar.

Aðeins munar þremur stigum á ÍBV í fjórða sæti og Valskonum í fimmta sæti eftir leikinn í kvöld.

Valgarður Gíslason, ljósmyndari Fréttablaðsins og Vísis, kom við á Hlíðarenda í kvöld og tók þessar myndir.