Ragnar í liðinu í sigri á Lille

Ragnar Sigurðsson lék allan leikinn fyrir FC Kaupmannahöfn sem sigraði Lille 1-0 í fyrri leik liðanna í forkeppni Meistaradeildar Evrópu. Kaupmannahöfn stendur því vel að vígi fyrir seinni leikinn í Frakklandi en liðið sem sigrar í leikjunum tveimur kemst í riðlakeppni Meistaradeildarinnar.

Cesar Santin skoraði eina mark leiksins á 38. mínútu og tókst Kaupmannahöfn að halda markinu hreinu og koma þar með í veg fyrir Lille næði hinu mikilvæga útivallar marki.

Alls voru fimm leikir í forkeppninni í kvöld. Dynamo Kiev vann ótrúlegan 3-1 útisigur á Borussia Monchengaldbach. Cluj-Napoca vann góðan 2-1 sigur á Basel á útivelli, Celtic skellti Helsingborg 2-0 í Svíþjóð og Spartak Moskva sigraði tyrkneska félagið Fenerbahce 2-1.