Ævintýralegur uppgangur Apple

Hugbúnaðar- og fjarskiptarisinn Apple varð í gær verðmætasta fyrirtæki sögunnar, þegar markaðsvirði þess, miðað við gengi hlutabréfa félagsins, fór í 622 milljarða dala, eða sem nemur tæplega 78 þúsund milljörðum króna. Það jafngildir tæplega fimmtíufaldri árlegri landsframleiðslu Íslands.

Breska ríkisútvarpið BBC fjallaði ítarlega um uppgang Apple fyrir um þremur árum, en þá var ævintýralega mikil sala á iphone símum fyrirtækisins komin vel af stað, en hún hefur margfaldast á síðustu þremur árum, auk þess sem ipad spjaldtölvur fyrirtækisins hafa notið gríðarlegra vinsælda um heim allan.

Sjá má umfjöllun BBC inn á viðskiptavef Vísis, hér.

Sjá má Steve Jobs, fyrrum forstjóra og stofnanda Apple, sem lést 5. október í fyrra 56 ára að aldri, fjalla um grunnatriðin á bak við árangur hér.