Samskiptavefurinn Instagram að breytast í klámvef

Samskiptavefurinn Instagram er að breytast í klámvef. Þar sem áður voru huggulegar myndir af kaffibollum, matarboðum og tísku eru nú myndir af nöktu fólki í ýmiskonar stellingum.

Þessar myndir má sjá á síðunni undir hnöppum sem heita nöfnum á borð við Sextagram og Instaporn.

Instagram er sá samskiptavefur sem vex hvað hraðast í dag en nú er talið að um 80 milljónir manna noti hann daglega. Fyrir ári síðan voru þessir notendur 10 milljónir talsins.

Sérfræðingur í samskiptavefsíðum segir í samtali við Huffington Post að klámið á Instagram sé að hluta til eðlilegir vaxtaverkir hjá síðunni.