Ferguson: Mikilvægt að fá þrjú stig í fyrsta leik

Sir Alex Ferguson, stjóra Man. Utd, var létt eftir sigurinn nauma á Galatasaray í kvöld en tyrkneska liðið beit hraustlega frá sér.

"Við vorum að gefa boltann of auðveldlega frá okkur í fyrri hálfleik og skyndisóknir þeirra voru virkilega beittar. Í síðari hálfleik vorum við miklu þéttari í vörninni og öll færin voru okkar," sagði Ferguson.

"Þetta var fínn opnunarleikur. Þeir voru með sjálfstraust á boltanum og við gátum ekki leyft okkur að slaka á þar sem við vorum ekki að nýta færin okkar.

"Það er gríðarlega mikilvægt að fá þrjú stig í fyrsta leik. Sérstaklega með hliðsjónar af því sem gerðist fyrir okkur á síðustu leiktíð," sagði Ferguson en United komst þá ekki upp úr auðveldum riðli.