Jafnt hjá Chelsea og Juve | Oscar skoraði tvö mörk

Brasilíumaðurinn Oscar sýndi í kvöld af hverju Chelsea greiddi fyrir hann vænan skilding. Hann skoraði þá tvö mörk í 2-2 jafntefli Chelsea og Juventus í Meistaradeildinni. Mörkin dugðu þó ekki til sigurs.

Annað af mörkum Oscars var stórglæsilegt. Mikil sleggja sem kom Chelsea í 2-0.

Arturo Vidal minnkaði muninn fyrir hlé og Fabio Quagliarella jafnaði svo metin tíu mínútum fyrir leikslok.

Engin óskabyrjun hjá Evrópumeisturunum en ítalska liðið er eflaust ánægt með stigið á útivelli.