Dreifing til áttatíu þúsund heimila

Hjá Póstdreifingu starfa um 500 manns og er stærstur hluti þeirra póst- og blaðberar sem starfa við dreifingu á blöðum, markpósti, tímaritum og fjölpósti.

Anna Bára Teitsdóttir, deildarstjóri sölu- og markaðsdeildar, segir þjónustu Póstdreifingar hafa verið fagnað af fjölmörgum útgefendum blaða og fjölpósts þar sem fyrirtækið hefur einsett sér að vera leiðandi í verði á markaði.

Enn fremur segir Anna Bára að fyrirtækið leggi mikla áherslu á að bjóða viðskiptavinum sínum upp á sérhæfðar lausnir. "Við eigum í góðu samstarfi við margar prentsmiðjur og auglýsingastofur sem þurfa á sérhæfðri þjónustu að halda á sviði dreifingar." Þá nefnir Anna Bára einnig í því sambandi markhópatengda dreifingu á fjölpósti þar sem hefðbundið dreifingarmynstur er brotið upp. "Þannig getur til dæmis lítið fyrirtæki eða einyrki sent út fjölpóst á ákveðið svæði innan póstnúmera, til sérbýla eða fjölbýlishúsa allt eftir því hvað hentar markhópnum hverju sinni.

Nú fer að ganga í hönd annasamasti tími ársins og eru fyrirtæki þegar farin að tryggja sér dreifingardag á kynningarefni og gera ráðstafanir varðandi heimsendinguá vörum sínum."

Vöruhýsing í nýju húsnæði Samhliða blaðadreifingu sér Póstdreifing um að dreifa vörum og sendingum fyrir fyrirtæki á stórhöfuðborgarsvæðinu. "Samstarf og sveigjanleiki eru þar lykilhugtök og einbeitum við okkur að því að veita klæðskerasniðna þjónustu sem passar vel að þörfum ólíkra viðskiptavina.

Þannig eru netverslanir farnar að nýta sér þjónustu okkar í auknum mæli og til að mæta betur þörfum þeirra varðandi dreifingu og vöruhýsingu hefur verið ákveðið að flytja í hentugra húsnæði um áramótin."

Í stóru fyrirtæki eins og Póstdreifingu er nauðsynlegt að vera með gott gæðastjórnunarkerfi og hafa því öll dreifingarkerfi Póstdreifingar verið vottuð samkvæmt ISO 9001:2008-staðlinum.

"Vottunin staðfestir að gæðakerfi fyrirtækisins uppfyllir kröfur staðalsins og að allir starfsferlar og verklagsreglur eru skýrar og í samræmi við viðskiptaskilmála."