Bologna með ótrúlega endurkomu gegn Roma | Úrslit dagsins á Ítalíu

Sjö leikir fóru fram í ítölsku seríu A-deildinni í dag og voru menn heldur betur á markaskónum.

Lazio var ekki í vandræðum með Chievo þegar þeir unnu 3-1 á útivelli. Anderson Hernanes gerði tvö mörk fyrir Lazio og þýska markavélin Miroslav Klose gerði eitt. Bologna gerði sér lítið fyrir og unnu Roma á Ólympíuleikvanginum í Róm.

Rómverjar gerðu fyrstu tvö mörk leiksins. Staðan var 2-0 fyrir Roma alveg fram á 72. mínútu þegar Alberto Gilardino minnkaði muninn fyrir Bologna. Alessandro Diamanti jafnaði síðan metinn aðeins einni mínútu síðar og það var síðan Alberto Gilardino sem tryggði gestunum stigin þrjú á 90. mínútu.

Juventus var ekki í neinum vandræðum með Genoa þegar þeir unnu 3-1 sigur á útivelli. Hér að neðan má sjá öll úrslit dagsins á Ítalíu.

Úrslit:

Chievo – Lazio - 1 - 3

AS Roma – Bologna - 2 - 3

Fiorentina – Catania - 2 - 0

Genoa – Juventus - 1 - 3

Napoli – Parma - 3 - 1

Pescara - Sampdoria - 2 - 3

Siena - Udinese - 2 - 2