Ótrúlegir taktar í bandaríska hafnaboltanum

Pablo Sandoval, leikmaður San Francisco Giants, sýndi mögnuð tilþrif í bandaríska hafnaboltanum þegar hann greip bolta þrátt fyrir að hafa fallið um girðingu og ofan á áhorfendur sem sátu í fremstu röð.

Giants vann um helgina sigur á San Diego Padres og vann þar með sinn riðil í MLB-deildinni. Það voru þó tilþrif Sandoval sem vöktu hvað mesta lukku stuðningsmanna liðsins.

Eins og sjá má á meðfylgjandi myndbandi gerði hann allt þetta á sama tíma og hann blés tyggjókúlu - eins og ekkert væri eðlilegra.