Vettel vann japanska kappaksturinn en Alonso féll úr leik

Sebastian Vettel stýrði Red Bull-bíl sínum örugglega í mark í japanska kappakstrinum á Suzuka-brautinni. Vettel ræsti af ráspól og var í forystu allan tímann. Vettel er nú aðeins fjórum stigum á eftir Fernando Alonso í heimsmeistarakeppni ökuþóra.

Alonso féll úr leik í fyrstu beygju eftir samstuð við Lotus-bíl Kimi Raikkönen. Það var því ljóst frá byrjun að kappaksturinn myndi breyta stöðunni í heimsmeistarakeppninni mikið.

Liðsfélagi Alonso hjá Ferrari, Felipe Massa, lauk mótinu í öðru sæti eftir að hafa ekið frábærlega. Miðað við árangur Massa er aldrei að vita hversu vel Alonso hefði gengið að verja sjálfan sig í titilbaráttunni. Þetta er jafnframt í fyrsta sinn í nærri tvö ár sem Massa stendur á verðlaunapalli.

Heimamaðurinn Kamui Kobayashi stal hins vegar senunni og lauk mótinu í síðasta verðlaunasætinu. Það ætlaði allt um koll að keyra í Japan þegar Kobayashi steig upp úr bílnum svo ánægðir voru Japanir með árangur síns manns.

Þetta er í fyrsta sinn síðan 1990 sem Japani stendur á verðlaunapalli í japanska kappakstrinum. Það var Aguri Suzuki gerði það síðast.

Verðlaunasætið var ekki auðvelt fyrir Kobayashi að verja því Jenson Button á McLaren-bíl gerði harða atlögu á síðustu hringjunum. Button varð þó að láta sér fjórða sætið nægja. Hinn McLaren-ökuþórinn, Lewis Hamilton, varð fimmti eftir að hafa verið í vandræðum með uppstillingu bílsins.

Þrátt fyrir samstuðið við Alonso fyrir fyrstu beygju skilað Kimi Raikkönen Lotus-bíl sínum heim í sjötta sæti á undan Nico Hulkenberg á Force India og Pastor Maldonado á Williams.

Mark Webber ók frábærlega til að tryggja sér næst síðasta stigasætið. Hann féll niður í síðasta sætið eftir fyrstu beygju því Romain Grosjean var enn og aftur í ruglinu í ræsingunni og ók á Webber. Grosjean fékk þyngstu refsingu sem í boði er: 10 sekúnta refsingu á viðgerðarsvæðinu.

Toro Rosso-ökumaðurinn Daniel Ricciardo frá Ástralíu varð tíundi og hlaut eitt stig fyrir. Michael Schumacher reyndi þó að hrifsa sætið af Ricciardo undir lokin en náði ekki.

Fernando Alonso á nú mjög erfitt verkefni fyrir höndum enda er ljóst að Ferrari-bíllinn er ekki sá besti á ráslínunni, sannarlega ekki jafn góður og Red Bull-bíll Vettels.

Næsti kappakstur fer fram í Kóreu eftir viku. Yeongam brautin á að henta Ferrari bílnum nokkuð vel og það verður forvitnilegt að sjá hvernig ítalska liðið bregst við.

Úrslit mótsins

NR	Ökumaður	Lið / vél	Hringir	Tími	Bil
1	Sebastian Vettel	Red Bull/Renault	53	1:28'56.242
2	Felipe Massa	Ferrari	53
3	Kamui Kobayashi	Sauber/Ferrari	53
4	Jenson Button	McLaren/Mercedes	53
5	Lewis Hamilton	McLaren/Mercedes	53
6	Kimi Räikkönen	Lotus/Renault	53
7	Nico Hülkenberg	Force India/Mercedes	53
8	Pastor Maldonado	Williams/Renault	53
9	Mark Webber	Red Bull/Renault	53
10	Daniel Ricciardo	Toro Rosso/Ferrari	53
11	M.Schumacher	Mercedes	53
12	Paul Di Resta	Force India/Mercedes	53
13	Jean-Eric Vergne	Toro Rosso/Ferrari	53
14	Bruno Senna	Williams/Renault	53
15	H.Kovalainen	Caterham/Renault	52		1 hringur
16	Timo Glock	Marussia/Cosworth	52		1 hringur
17	Vitaly Petrov	Caterham/Renault	52		1 hringur
18	Pedro de la Rosa	HRT/Cosworth	52		1 hringur
19	Romain Grosjean	Lotus/Renault	51		Lauk ekki
	Charles Pic	Marussia/Cosworth	37	Hætti
	N.Karthikeyan	HRT/Cosworth	32	Hætti
	Sergio Pérez	Sauber/Ferrari	18	Snarsnérist
	Fernando Alonso	Ferrari	0	Árekstur
	Nico Rosberg	Mercedes	0	Árekstur

Staðan i heimsmeistarakeppni ökuþóra

NR	Ökumaður	Stig
1	Fernando Alonso	194
2	Sebastian Vettel	190
3	Kimi Räikkönen	157
4	Lewis Hamilton	152
5	Mark Webber	134
6	Jenson Button	131
7	Nico Rosberg	93
8	Romain Grosjean	82
9	Felipe Massa	69
10	Sergio Pérez	66
11	Kamui Kobayashi	50
12	Paul Di Resta	44
13	M.Schumacher	43
14	Nico Hülkenberg	37
15	Pastor Maldonado	33
16	Bruno Senna	25
17	Jean-Eric Vergne	8
18	Daniel Ricciardo	7
19	Timo Glock	0
20	H.Kovalainen	0
21	Vitaly Petrov	0
22	J.D'Ambrosio	0
23	Charles Pic	0
24	N.Karthikeyan	0
25	Pedro de la Rosa	0

Staðan í heimsmeistarakeppni bílasmiða

NR	Ökumaður	Stig
1	Red Bull/Renault	324
2	McLaren/Mercedes	283
3	Ferrari	263
4	Lotus/Renault	239
5	Mercedes	136
6	Sauber/Ferrari	116
7	Force India/Mercedes	81
8	Williams/Renault	58
9	Toro Rosso/Ferrari	15
10	Marussia/Cosworth	0
11	Caterham/Renault	0
12	HRT/Cosworth	0