Katrín Tanja Norðurlandameistari í ólympískum lyftingum

Ármenningurinn Katrín Tanja Davíðsdóttir varð um helgina Norðurlandameistari í ólympískum lyftingum á Norðurlandamót unglinga sem fór fram í Parkano í Finnlandi. Lilja Lind Helgadóttir fékk ennfremur silfur í sínum flokki. Katrín Tanja hefur náð glæsilegum árangri í krossfit en er farinn á fullt í ólympískar lyftingar með frábærum árangri.

Katrín Tanja Davíðsdóttir keppti í meyjaflokki eða flokki 20 ára og yngri. Katrín Tanja byrjaði á því að snara 74 kílóum og setti með því nýtt Íslandsmet. Yfirburðir Katrínar voru talsverðir þar sem hún þurfti eingöngu að ná byrjunarþyngd í jafnhendingu til þess að tryggja sér gullverðlaunin Hún náði lyfti mest 80 kílóum í jafnhendingu og tryggði þar með Íslandi fyrsta Norðurlandameistaratitil kvenna í Ólympískum lyftingum í 40 ára sögu Lyftingasambands Íslands.

Lilja Lind keppti í stúlknaflokki eða 17 ára og yngri. Hún lyfti mest 64 kílóum í snörun sem er nýtt Íslandsmet. Hún var með þyngstu opnunarlyftuna i jafnhendingu og lyfti þar 80 kílóum. Í næstu lyftu fóru 85 kíló upp sem tryggði henni annað sætið og var einnig nýtt Íslandsmet í jafnhendingu. Lilja hefði þurft að lyft 90 kílóum til að taka gullið en það tókst ekki. Lilja Lind

setti Íslandsmet í samanlögðu en hún lyfti alls 148 kílóum. Lilja Lind setti alls þrjú Íslandsmet í stúlknaflokki á þessu móti.

Sindri Pétur Ingimundarson keppti einnig á mótinu en hann er Íslandsmethafi í drengjaflokki. Sindri setti nýtt drengjamet með því að lyfti 90 kílóum í snörun og annað drengjamet í jafnhendingu þegar 116 kíló fóru á loft. Þegar komið var að síðustu lyftunni ákvað Sindri að reyna við gullið og hækka um heil 12 kíló en hann rétt missti stöngina með 128 kílóunum og varð að sætta sig við fjórða sætið.