Málaga og Porto héldu sigurgöngunni áfram - öll úrslitin

Málaga og Porto eru áfram með fullt hús á toppi sinna riðla eftir leiki kvöldsins í Meistaradeildinni. Málaga vann AC Milan en Porto hafði betur á móti Dynamo Kiev í markaleik.

Zlatan Ibrahimovic skoraði fyrra mark PSG í 2-0 útisigri á Dinamo Zagreb. Franska liðið er samt enn í 2. sæti riðilsins þar sem að Porto vann 3-2 sigur á Dynamo Kiev á sama tíma. Portúgalarnir hafa fullt hús á toppi A-riðilsins.

Joaquín skoraði sigurmark Malaga á 64. mínútu en spænska liðið hefur komið öllum á óvart með því að vinna þrjá fyrstu leiki sína í Meistaradeildinni í ár. Malaga er með 9 stig og markatöluna 7-0 en þeir eru með fimm stiga forskot á AC Milan sem er í 2. sætinu.

Olympiakos vann dramtískan endurkomusigur á útivelli á móti Montpellier þar sem bæði mörk gríska liðsins komu á síðustu 17 mínútunum. Konstantinos Mitroglou skoraði sigurmarkið í uppbótartíma.

Úrslit og markaskorarar í Meistaradeildinni í kvöld:

A-riðill

Dinamo Zagreb - PSG 0-2

0-1 Zlatan Ibrahimovic (33.), 0-2 Jérémy Ménez (43.)

FC Porto - Dynamo Kiev 3-2

1-0 Silvestre Varela (15.), 1-1 Oleg Gusev (21.), 2-1 Jackson Martinez (36.), 2-2 Brown Ideye (72.), 3-2 Jackson Martinez (78.)

B-riðill

Arsenal - Schalke 04 0-2

0-1 Klaas-Jan Huntelaar (76.), 0-2 Ibrahim Afellay (86.)

Montpellier - Olympiakos 1-2

1-0 Gaetan Charbonnier (49.), 1-1 Vassilis Torossidis (73.), 1-2 Konstantinos Mitroglou (90.)

C-riðill

Zenit St Petersburg - Anderlecht 1-0

1-0 Aleksandr Kerzhakov, víti (72.)

Málaga - AC Milan 1-0

1-0 Joaquín (64.)

D-riðill

Ajax - Manchester City 3-1

0-1 Samir Nasri. (22.), 1-1 Siem De Jong (45.), 2-1 Niklas Moisander (57.), 3-1 Christian Eriksen (68.)

Dortmund - Real Madrid 2-1

1-0 Robert Lewandowski (36.), 1-1 Cristiano Ronaldo (38.), 2-1 Marcel Schmelzer (64.)