Guardiola spyrst fyrir um Bayern

Það er mikið rætt og ritað um hvað fyrrum þjálfari Barcelona, Pep Guardiola, ætlar að taka sér fyrir hendur. Hann hefur verið í fríi síðan hann hætti með Barcelona eftir síðasta tímabil.

Hann hefur verið orðaður við fjölda félaga síðan þá og nýjasta nýtt er að orða hann við þýska stórveldið Bayern München.

Luca Toni er góður vinur Guardiola síðan þeir léku saman með Brescia og hann segir að Guardiola hafi verið að spyrjast fyrir um félagið.

"Ég held að hugmyndafræði Bayern henti Pep vel. Hann myndi henta liðinu frábærlega," sagði Toni.

Guardiola hefur einnig verið sterklega orðaður við Chelsea og AC Milan.