Formúla 1

Stærstu liðin borga rúman milljarð króna í keppnisgjöld

Birgir Þór Harðarson skrifar
Stóru keppnisliðin þurfa að borga meira af peningum en áður til að fá að taka þátt í Formúlu 1.
Stóru keppnisliðin þurfa að borga meira af peningum en áður til að fá að taka þátt í Formúlu 1. nordicphotos/afp
Keppnisgjaldheimtunni í Formúlu 1 var breytt í haust. Keppnisgjöldin sem öll keppnisliðin verða að greiða til FIA (Alþjóða akstursíþróttasambandsins) er að lágmarki 62,5 milljónir króna en að auki er stigafjöldi liðanna margfaldaður með 6000 dollurum, 750 þúsund íslenskum krónum.

Red Bull-liðið, heimsmeistari bílasmiða í Formúlu 1 árið 2012, fékk 460 stig í ár og borgar því mest allra eða 408 milljónir íslenskra króna. Samtals þurfa Red Bull, McLaren og Ferrari að punga út rúmum milljarði íslenskra króna í keppnisgjöld.

"Minni liðin borga minna og stóru liðin, sem hafa mestu tekjurnar borga meira," sagði Jean Todt, forseti FIA, við Autosport þegar hann var beðinn um að útskýra hvers vegna keppnisgjöldunum hefði verið breytt. "Í hvaða lýðræðisríki sem er borgar maður skatta í hlutfalli við tekjur þínar. Við gerum ráð fyrir að þetta skili okkur um það bil 30% meiri tekjum."

Öll liðin höfðu borgað keppnisgjöldin áður en fresturinn rann út fyrir helgi, nema HRT-liðið sem mun nú loka verksmiðjum sínum enda keppir það ekki meira í Formúlu 1.

Jean Todt er forseti FIA.
Formúla

Tengdar fréttir

Caterham skaust upp fyrir Marussia í botnbaráttunni

Cyril Abiteboul, liðstjóri Caterham, var himinlifandi með tíunda sætið í heimsmeistarakeppni bílasmiða sem Caterham stal af Marussia á lokasprettinum í brasilíska kappakstrinum í dag. "Þetta var verðskuldað," sagði Abiteboul.

HRT gjaldþrota og keppir ekki 2013

HRT-liðið mun ekki keppa í Formúlu 1 á næsta ári þar sem liðið er nánast gjaldþrota. Eigandi liðsins hefur verið að leita að kaupanda en enginn gerði tilboð í þetta spænska keppnislið.

Mest lesið


Fleiri fréttir

Sjá meira


×

Mest lesið