Frábær sigur hjá Pescara

Birkir Bjarnason og félagar í ítalska liðinu Pescara komust upp úr fallsæti í ítölsku úrvalsdeildinni í kvöld er liðið vann dramatískan sigur 2-1 sigur á Catania.

Frábær úrslit fyrir Pescara enda eru Catania-menn sjóðheitir og voru búnir að vinna síðustu fjóra leiki sína.

Celik kom Pescara yfir á 23. mínútu en Barrientos jafnaði metin tíu mínútum fyrir hlé. Það var svo Togni sem skoraði sigurmarkið á fimmtu mínútu uppbótartíma leiksins.

Birkir Bjarnason var í byrjunarliði Pescara á miðjunni og lék allan leikinn.