Nýtt lag frá Arcade Fire

Hljómsveitin Arcade Fire hefur sent frá sér lagið Abraham's Daughter sem hljómar í fantasíumyndinni The Hunger Games.

Lagið var tekið upp í síðasta mánuði og verður spilað í lok myndarinnar þegar nafnalistinn rúllar yfir hvíta tjaldið. Í myndinni er einnig lagið Horn of Plenty sem Win Butler og Regine Chassagne úr Arcade Fire sömdu og tóku upp sjálf.

„Við vildum búa til lag sem passar vel við söguþráð myndarinnar. Þetta er ekki hefðbundið popplag. Þetta er frekar lag sem hægt er að spila á stórum íþróttaviðburðum," sagði Butler um Abraham"s Daughter.