Síðustu tónleikar Einars

Tónleikarnir Hátt í Höllinni sem verða haldnir í Laugardalshöll í kvöld með mörgum af vinsælustu flytjendum Íslands verða þeir síðustu sem Einar Bárðarson skipuleggur áður en hann tekur við starfi forstöðumanns Höfuðborgarstofu.

Einar hefur hingað til staðið í innflutningi á hinum ýmsu tónlistarmönnum, þar á meðal Elvis Costello, en þegar hann hefur gengið til liðs við Höfuðborgarstofu hættir hann öllum slíkum rekstri. Tónleikahald verður samt áfram hluti af starfi hans því skipulagning Menningarnæturtónleikanna næsta haust verður á hans könnu. - sv, -fb