Ástandið á Spáni versnar enn

Landsframleiðsla á Spáni dróst saman á þriðja ársfjórðungi ársins í fyrra um 0,7 prósent frá ársfjórðunginum á undan, og um 1,8 prósent miðað við sama tímabil í fyrra. Þá sýna nýjustu tölur um smásöluverslun á Spáni að hún var mun verri í desember á síðasta ári heldur en árið 2011, en smásalan dróst saman um 10,7 prósent milli ára, að því er segir í frétt á vef Wall Street Journal í dag.

Staða efnahagsmála á Spáni er afar erfið þessi misserin, en mesti vandinn er mikið atvinnuleysi. Það mælist nú 26 prósent, samkvæmt tölum Hagstofu Evrópusambandsins, Eurostat, en hvergi í Evrópu er atvinnuleysi meira.

Sjá má frétt Wall Street Journal um þessi mál hér.