Ronaldo með enn eina þrennuna

Portúgalinn Cristiano Ronaldo bauð upp á enn eina flugeldasýninguna í kvöld þegar Real Madrid valtaði yfir Sevilla, 4-1, í spænsku úrvalsdeildinni í kvöld.

Ronaldo skoraði þrennu í leiknum og lék á alls oddi. Karim Benzema komst einnig á blað.

Þetta var sautjánda þrenna Ronaldo fyrir Real Madrid. Messi hefur skorað sextán fyrir Barcelona. Ronaldo er búinn að skora tvö mörk eða meira í 40 leikjum fyrir félagið. Til samanburðar má nefna að hann hefur aðeins skorað eitt mark í 37 leikjum með félaginu.

Ronaldo er nú orðinn sjötti markahæsti leikmaður í sögu Real Madrid með 182 mörk.

Real Madrid er sem fyrr í þriðja sæti deildarinnar. Nú fjórum stigum á eftir nágrönnum sínum í Atletico og þrettán stigum á eftir toppliði Barcelona.