Fótbolti

Bayern jók forystuna á toppnum

Eiríkur Stefán Ásgeirsson skrifar
Mario Mandzukic, annar frá hægri, fagnar marki sínu í kvöld.
Mario Mandzukic, annar frá hægri, fagnar marki sínu í kvöld. Nordic Photos / Getty Images
Bayern München er nú komið með átján stiga forystu á toppi þýsku úrvalsdeildarinnar eftir 2-0 sigur á Wolfsburg á útivelli.

Þetta var fimmti sigur Bayern í röð í deildinni en liðið hefur reyndar aðeins tapað einum deildarleik í allan vetur.

Markahæsti leikmaður deildarinnar, Mario Mandzukic, skoraði fyrra mark Bayern í leiknum og Arjen Robben það síðara.

Mandzukic hefur slegið í gegn á sínu fyrsta tímabili með Bayern en hann kom til liðsins í sumar frá Wolfsburg.

Þýski boltinn

Mest lesið


Fleiri fréttir

Sjá meira


×

Mest lesið