Dortmund færir Bayern titilinn á silfurfati

Dortmund missteig sig enn á ný í þýsku deildinni er liðið gerði 1-1 jafntefli við Gladbach á útivelli í dag. Mario Götze kom Dormund yfir úr víti á 31. mínútu en Amin Younes jafnaði leikinn fyrir Gladbach á 61. mínútu.

Úrslit dagsins þýða að FC Bayern er með 17 stiga forystu á toppnum í Þýskalandi. FC Bayern hefur unnið sex leiki í röð og er með 60 stig en Dortmund er með 43. Segja má að kapphlaupinu um titilinn sé í rauninni lokið.

Bayern vann stórsigur gegn Bremen í gær, 6-1, þar sem Mario Gómez skoraði tvívegis.Dortmund á ennþá möguleika á titli en liðið er ennþá í Meistaradeildinni.