Hummels heitur fyrir Barcelona

Þýski landsliðsmaðurinn Mats Hummels, leikmaður Dortmund, hefur gefið Barcelona undir fótinn þó svo hann segist vera ánægður hjá þýska félaginu.

Hummels segir að tilboð frá Barcelona gæti orðið of freistandi fyrir sig þó svo honum líði afar vel hjá Dortmund. Vitað er að Barcelona ætlar að versla varnarmenn í sumar.

"Ég myndi hafna 99,9 prósent allra félaga í heiminum. Barcelona er aftur á móti af tveimur til þremur félögum sem ég myndi íhuga að ganga til liðs við," sagði Hummels.

Leikmaðurinn er 24 ára gamall og samningsbundinn Dortmund til ársins 2017.