Juventus einu stigi frá titlinum

Juventus hafði betur gegn Torino í borgarslag liðanna í ítalska boltanum í dag, 2-0. Juve er nú aðeins einu stigi frá ítalska meistaratitlinum.

Leikurinn þótti ekki mikil skemmtun en þeir Arturo Vidal og Claudio Marchisio skoruðu mörk Juventus á síðustu fimm mínútum leiksins eða svo.

Kamil Glik, leikmaður Torino fékk svo að líta rauða spjaldið eftir að hafa fengið tvö gul á aðeins þriggja mínútna tímabili á fjörlegum lokakafla leiksins.

Juve er með 80 stig á toppi deildarinnar og er með ellefu stiga forystu á Napoli sem vann 3-0 sigur á Pescara í gær. Birkir Bjarnason var á bekknum hjá Pescara og kom ekki við sögu.

Úrslit dagsins:

Torino - Juventus 0-2

Parma - Lazio 0-0

Palermo - Inter 1-0

Chievo - Genoa 0-1

Roma - Siena 4-0

Sampdoria - Fiorentina 0-3

AC Milan - Catania (kl. 18.45)