Einum leik frá úrvalsdeildarsæti

Emil Hallfreðsson og félagar í Hellas Verona fóru langleiðina með að tryggja sér sæti í ítölsku úrvalsdeildinni í dag.

Þá vann liðið góðan 0-3 útisigur á Juve Stabia. Verona komst þar með stigi upp fyrir Livorno. Verona er svo stigi  á eftir toppliði Sassuolo sem gerði jafntefli í sínum leik.

Emil var í liði Verona í dag en fór af velli tíu mínútum fyrir leikslok. Ein umferð er eftir af deildinni en um næstu helgi tekur Verona á móti Empoli sem er í fjórða sæti deildarinnar. Sigur þar á heimavelli tryggir Verona sætið í efstu deild að ári.