Sektaðir fyrir að klæðast fatnaði frá Nike

Mario Gomez, Mario Götze og Jan Kirchhoff hafa verið sektaðir af þýska knattspyrnuliðinu FC Bayern fyrir það eitt að klæðast Nike fatnaði opinberlega.

FC Bayern gerði á sínum tíma risasamning við íþróttavöruframleiðandann Adidas og mega leikmenn liðsins því ekki klæðast fatnaði frá Nike, aðal samkeppnisaðili Adidas, í opinberum erindum á vegum félagsins.

Þeir Mario Götze og Jan  Kirchhoff voru báðir í klæðnaði frá Nike þegar þeir voru kynntir til leiks sem nýir leikmenn liðsins í vikunni og hafa þeir nú verið sektaðir.

Gomez bar Nike derhúfu á æfingasvæði liðsins í vikunni og var hann einnig sektaður.