Hlutur Mark Zuckerberg hækkaði um 444 milljarða á einum degi

Hlutur Mark Zuckerberg í Facebook hækkaði um rúmlega 444 milljarða á einum degi og er hann því talsvert ríkari maður í dag en í gær. Þetta þýðir að eignarhluti hans í fyrirtækinu er um tvö þúsund milljarða virði. Það er ívið meira en öll árleg þjóðarframleiðsla Íslendinga, sem er um 1.750 milljarðar. Zuckerberg, sem er 29 ára gamall, gæti semsagt greitt nær allar skuldir íslenska ríkisins sem eru um 1.900 milljarðar króna.

Verð hlutabréfa í samskiptafyrirtækinu tók stökk upp á við eftir að tilkynnt var um tekjur þess á þessum ársfjórðungi á miðvikudaginn og hækkaði um 30%. Það hefur ekki verðið hærra síðan í maí 2012.

Nýverið bættu sjórnendur samskiptamiðilsins auglýsingum inn í farsímaútgáfu Facebook. Sérfræðingar telja að hægt sé að rekja stökkið til þessara breytinga sem eru taldar mjög vænlegar fyrir auglýsendur. Um 41% notenda Facebook nota síðuna í gegnum síma, þar sem auglýsingar eru eru 5% innihalds fréttaveitunnar.

Buisness Insider greinir frá.